Англи, Америкийн бодлогоор Ерөнхийлөгчөө сонгох учиргүй. Монголчууд аль нэг гүрний хамжлага ард, алс хязгаар, хараатмуж, улс биш. Оросын өөдөөс өрвөлзөх, Хятадын өөдөөс хялалзах тусгаар улсын гэрийн эзэн, тулаад босох газар нутагтай ард түмэн.Том гүрэн, жижиг улс гэж дэлхий дээр байдаггүй. Гэтэл монголчуудОросын талыг баримтлагч хүнийг сонгоно. Олон жилийн турш найрсаг харилцаатай явлаа. Оросуудаар удирдуулаад явлаа гээд муудаагүй, харин ч хамуу, тэмбүүнээсээ салсан ч гэх шиг. Энд юу яриад байна.Бас нэг хэсэг хүн “Тэртээ тэргүй Хятадын гар хөл Ерөнхийлөгч болно. Эртхэн шиг зээл аваад хөгжье, Хятадыг давуулан нүүрсээ шидэхгүйгээс хойш” гэх мэт зүйл ярина. Буу барьсан цэрэг орж ирээгүй байхад буугаад өгчих хэрэгтэй гэж үү. Путин, Ши Жинпинь, Дональд Трамп шиг удирдагчтай болмоор байна ч гэх шиг. Яруу найрагчийн хэлсэнчлэн “Өөрийнхөө эрхийг өөрсөддөө өдтэй сумаар харваж олсон юм. Өөрсдийнхөө гүрнийг өөрсдөө өдөр шөнөгүй хайрлан сахисан” ард түмэн. Тусгаар тогтнолоо даалууны мөрийнд тавиад туухад сийхгүй өөрсдөө итгэлгүй ард түмэн болов. 1688 онд Монголын ноёд “Ар элстэй” гэдэг газар чуулган зохион байгуулж “Манжууд торго дурдан элбэгтэй, баян тарган. Цэрэг арми ихтэй” хэмээн хэлэлцээд Манжийн эзэн хаанд дагаар орсон байдаг. Мөн 1921 онд оросуудын дэмжлэгтэйгээр Бүгд найрамдах улс болж “ах” хэмээн авгайлах болсон. 1990 оны ардчилсан хувьсгалын дараагаар Англи, Америкийг шүтэх, найдах өвчинд автсан. Намхан нуруутай, навтгар хамартай болохоос бодлого хэрэгжүүлэгч америкжсан хүн гадны дэмжлэгтэй өндөрлөгт хүрсэн гэдэг. Үгүй л байгаасай. Сүүлийн 200 гаруй жил Монголчуудын зүгээс Япон, Хятад, Англи, Оросоос үргэлж тусламж гуйж ирсэн. Тэр бүү өөр хоорондоо эв эе эвдрэлдцэхээрээ гаднаас тусламж гуйн нэг нэгнээ хөнөөсөн түүх бий. Амарсанаа ван Зүүнгарын улсын хан болохын тулд манжуудыг дагуулаад ирдэг шиг өнөөдрийн нэр дэвшигчид Орос, Хятадыг дагуулаад ирэх юм биш биз. Тийм учраас орос, хятад улсыгбиш Монгол улсаа сонгоё, Путин, Ши жиньпин, Доналд Трамп биш ар талдаа харь улсын ах дүүгүй, бизнесийн хамтрагчгүй, эрх ашгийг хамгаалагч биш Монгол хүнээ сонгоё. Монголчууд өөрсдийнхөө аврал. Аврал танд, бидэнд бий. Талын малчин хүү өөртөө итгэн ташуураа бариад боссон шиг монгол хүндээ итгэн сонголтоо хийе. Ардаа ахтай, зааварчилгаатай, санхүүжилттэй нэр дэвшигчдээс болгоомжил.