Үндсэн дүрмийн нэмэлт өөрчлөлтийн төслийг танилцуулав

Ардчилсан намын “Дотоод сонгуулийн хороо”-ны мэдээлэл болон бусад зэрэг мэдээллийг танилцууллаа. Түүнчлэн цахим зөвлөгөөний үеээр Ардчилсан намын Улс төр, хамтын ажиллагааны асуудал хариуцсан нарийн бичгийн даргаар Б.Гарамгайбаатар, Хууль зүйн асуудал хариуцсан нарийн бичгийн даргаар О.Баасанхүү, Гадаад харилцаа, хэвлэл мэдээлэл хариуцсан нарийн бичгийн даргаар Д.Эрдэнэсувд, Санхүү, эдийн засгийн хөгжлийн асуудал хариуцсан нарийн бичгийн даргаар Ч.Цасчихэр нарыг тус тус томиллоо.

Ардчилсан намын дарга С.Эрдэнэ шинээр томилогдсон нарийн бичгийн дарга нарт баяр хүргээд, Ардчилсан намын Үндсэн дүрмийг чанд мөрдөж ажиллахыг даалгалаа. Мөн Ардчилсан намын даргын сунгаа, Ерөнхийлөгийн сонгуулийн бэлтгэл ажил зэрэг цаг үеийн холбогдолтой асуудлуудад мэдээлэл өгөв.

ДАРХАН-УУЛ АЙМГИЙН АРДЧИЛСАН НАМЫН ДАРГЫН ҮҮРЭГ ГҮЙЦЭТГЭГЧЭЭР
Д.ЖАРГАЛСАЙХАНЫГ ТОМИЛЛОО

Дархан-Уул аймгийн Ардчилсан намын даргын үүрэг гүйцэтгэгчээр Д.Жаргалсайхан томилогдож, тамга тэмдэгээ хүлээн авлаа.

Тодруулбал, АН-ын даргын Үүрэг гүйцэтгэгч Тувааны тушаал хүчингүй болж Дархан-Уул аймгийн Ардчилсан намын Түр орлон гүйцэтгэгчээр ажиллаж байсан Ц.Энхжаргалыг 2021 оны 02 дугаар сарын 15-ны өдрөөс чөлөөлж, тус аймгийн Ардчилсан намын даргын үүрэг гүйцэтгэгчээр Д.Жаргалсайханыг томиллоо.

Монгол улсын хууль, Ардчилсан намын үзэл баримтлал, Үндсэн дүрэм, журмын хүрээнд үйл ажиллагаагаа явуулахыг Дархан-Уул аймгийн Ардчилсан намын даргын үүрэг гүйцэтгэгч Д.Жаргалсайханд Ардчилсан намын дарга С.Эрдэнэ захилаа.

Одоо Дархан-Уул аймгийн Ардчилсан намын үйл ажиллагаа жигдэрч өмнөх үед хажиглагдан намын хаалганы гадаа гарчихсан гишүүдээ оруулж ирэн Шударга ёс, Дархан-Уул аймагт олон жил ноёлсон Эрх баригчдын хууль бус ажиллагааг шүүмжлэх сөрөг хүчний үүргээ амжилттай биелүүлж сайн ажиллахаа Д.Жаргалсайхан амлалаа.

Ийнхүү Ардчилсан намын даргын түр үүрэг гүйцэтгэгчийн тушаалууд эхнээсээ цуцлагдан, аймгуудын Түр орлон гүйцэтгэгчид томилогдож эхлэв.