АНУ-д 2 дугаар сарын 28-наас 3 дугаар сарын 2-нд болох“Монголын худалдаа, хөрөнгө оруулалт, өв соёлын өдрүүд-2022”-д оролцох компаниудыг бүртгэж байна. Монгол Улсыг гадаадад сурталчлах, худалдаа, хөрөнгө оруулалтыг дэмжих, өв соёлыг түгээн дэлгэрүүлэх зорилготой соёлын өдрүүдийг ХХААХҮЯ, ГХЯ, БОАЖЯ, Соёлын яам, УУХҮЯ, ЭХЯ, ҮХГ, ЖДҮГ, Харилцаа холбоо, мэдээллийн технологийн газар, мэргэжлийн холбоод хамтран зохион байгуулах юм. Энэ үеэр “Хөрөнгө оруулалтын форум”, хөрөнгө оруулагчдад “Төсөл танилцуулах VIP уулзалт” -ыг Үндэсний хөгжлийн газраас зохион байгуулж, улс орны эдийн засагт хувь нэмэр оруулахуйц, стратегийн ач холбогдолтой төсөл, дунд болон мега төслийг хөрөнгө оруулагчдад танилцуулан, сурталчлахаар төлөвлөжээ. Монгол Улсад нэн тэргүүнд хэрэгжүүлэх шаардлагатай, АНУ болон олон улсын хөрөнгө оруулагчдад танилцуулах боломжтой төслийг соёлын өдрүүдээс өмнө бэлтгэн, хөрөнгө оруулагчдад танилцуулах тул төслөө 1 дүгээр сарын 5-наас өмнө tsetsegmaa.d@nda.gov.mn хаягаар ирүүлнэ. Оролцох байгууллага нь үйлдвэр, хөдөө, аж ахуй, газар тариалан, эрчим хүч, барилга, тээвэр, соёл, урлаг, аялал жуулчлал, харилцаа холбоо, мэдээллийн технологи, эрүүл мэнд, финтек, банк, санхүү, уул уурхайн салбарынх байх аж.