Ерөнхий сайдын зарласан "5Ш" ажиллагааны хэрэгжилт алдаг оног л явж байна. Ерөнхий сайдын зарласан "5Ш" ажиллагааны хэрэгжилт алдаг оног л явж байна. Шуудхан сануулахад, агентлагуудын дарга нар шүүр нэртэй тармуурын завсраар гээгдэж үлдээд байна. Аливаа яамдын газрын дарга нар олон улсын төсөл хөтөлбөрүүдийг жинхэнэ “атгадаг” эрх бүхий хүмүүс. Зарим газрын дарга нар түрээсийн байрнаас шилтгээнд заларсан байх нь бий. Энэ бол яавч цэвэр хөдөлмөрийн үр шим биш хэмээн жиг жуг гэцгээх нь бий. Тухайлбал, сайдаа тогтоодоггүй ХНХЯ дээр гэхэд олон улсын санхүүжилттэй 30 гаруй төсөл хөтөлбөрүүд хэрэгжиж байна. Нэн тэргүүнд эндээс шүгэл дуугарч эхлэх ёстой гэж харагддаг. Толгойгүй салбарын олгойгоор юу эс урссан гэхэв. Бидний сүүлийн үед хамгийн их тулгамдаж буй асуудал болсон гэр бүл, хүүхэд залуучуудын хөгжил, хамгаалал гэх мэт чиглэлээр олон улсын цөөнгүй төсөл хөтөлбөрүүд хэрэгждэг салбар. Тэгэхээр энэ утгаараа Гэр бүлийн бодлогын хэрэгжилт зохицуулалтын газрын дарга Н.Баярмаатай холбоотой хардлагууд цөөнгүй бий. No description available.Энэ салбарын шүгэл, шүүр ажиллагаа эндээс эхэлнэ гэсэн үг. Цаашлаад нийтийн эрүүл мэндийн чиглэлээр хэрэгжүүлж байгаа төсөл хөтөлбөрүүд дээр ЭМЯ-ны газруудын удирдлагуудыг, үргэлжлүүлээд сүүлийн үед гадны янз бүрийн хөтөлбөрүүдийг Монголын боловсролын салбарт нутагшуулах тухай байнга яригддаг боловсролын салбарт ч “Ш” ажиллагаануудаар их зүйл илрэх байх. Гэх мэтчилэн агентлагуудын дарга нарын асуудлаар шүгэл үлээх цаг болсон. Ерөнхийдөө Засгийн газрын шүүр яамдын харъяа агентлагуудын дарга нарыг алгасаад байна гэдгийг л анхааруулах гээд байгаа юм. Үүний тулд шүгэл үлээх ажлыг идэвхжүүлэх зайлшгүй шаардлага байна. Шүүр ажиллагаа нэг бол араа даах чадалтай ямбатнуудыг, эсвэл ядарсан албатуудыг хамсан болоод дуусах вий. Тэр хооронд дундуур нь “хусдаг” туршлагатай тэрбумтнууд нь хаалттай хаалганы цаана үлдэх вий. Тэд энэ сиймхийгээр бусдыг бухаад, үүгээр явах шүгэлийг түүгээр төөрүүлж, бужигнаан дундуур бултаж хоцроод баясаад баяжаад явах нь байж боломгүй. Тиймээс газрын дарга нарыг үтэр түргэн үлдээлгүй шалгаж, шүгэл, шүүр, шил ажиллагааг энэ түвшинд хэрэгжүүлье Ерөнхий сайд аа!