Өнгөрөгч 8 дугаар сарын 28-ны өдөр Олон Улсын Санхүүгийн Корпораци (ОУСК), Putra Star Investment Holdings Pte Ltd, Metaluzion Pte Ltd, Тайланд, Малайзийн MHC групп, Lifestyle Ventures Sdn Bhd, Symphony Confection Sdn Bhd, YPI Water Pte Ltd нар ивээн тэтгэсэн бол Badan Penyelenggara Jaminan Produk Halal Kementerian Agama RI (BPJPH) (Индонез Улсын Халал эрх бүхий байгууллага), Берхад Халал Хөгжлийн Корпораци (HDC), Тайланд Улсын Чулалонгкорнийн Их сургуулийн Халал Шинжлэх ухааны төв дэмжин ажиллажээ. Чуулганыг “ХАЛАЛ АМЬДРАЛЫН ХЭВ МАЯГИЙГ СУДЛАХ НЬ” сэдвийн дор зохион байгуулсан бөгөөд Монголын Халал Хөгжлийн Холбооноос дараах нэр хүндтэй илтгэгчдийг урьж оролцуулсан байна. Уг форумыг Ноён Мохаммад Зен (BPJPH Индонез), Худалдааны ерөнхий захирал ноён Адли Мохамед (HDC Малайз), ноён Кейт Ву (METALUZION SINGAPORE), туслах Профессор Доктор Сравут Аре (Тайландын Чулалонгкорн Их Сургуулийн Халал Шинжлэх Ухааны Төв) нар ХАЛАЛ ЭКОСИСТЕМ-ийн өөр өөр талууд, ХАЛАЛ баталгаа, эдийн засаг, нийгмийн хөгжилд үзүүлэх үр өгөөж, ХАЛАЛ ХЯНАЛТ ШАЛГАЛТ, “HALAL TRACK, TRACE and RECALL” хяналт баталгаажуулалтын үйл ажиллагааг цахимжуулах зэрэг сэдвийн хүрээнд илтгэл тавьж хэлэлцүүлэг өрнүүллээ. Энэхүү санаачилгын зорилго нь Монгол Улсыг Ази Номхон далайн бүс нутаг дахь гурван их наяд ам.долларын үнэлгээтэй дэлхийн ХАЛАЛ зах зээлийн нэг хэсэг болгоход орширж байна. Монголын үндэсний худалдаа аж үйлдвэрийн танхим орлогч дарга Б.Намжилсүрэн чуулганыг нээж хэлсэн үгэндээ Монгол Улсад ХАЛАЛ тогтолцоо дутмаг байгааг онцолж, энэхүү форум нь Халал экосистемийг бий болгоход олон нийтийн анхаарлыг хандуулж, дотоод, гадаадын экспортлогчдод Монгол мах ХАЛАЛ болох баталгааг өгч байна. Тиймээс Монголын Халал Хөгжлийн Холбоо, МҮХАҮТ-аас Монгол Улсад ХАЛАЛ эдийн засгийг бий болгоход энэхүү чуулга, уулзалт цаг үеэ олсон ач холбогдолтой болж байна гэж онцолсон юм. Мөн тус форумд Монгол улсын Цахим хөгжил, харилцаа холбооны дэд сайд Ж.Эрхэмбаатар оролцож, Монгол Улсад хүнсний аюулгүй байдлыг сайжруулах, бизнесийн барааны тэмдгийг хамгаалах зорилгоор энэхүү форумыг дэмжиж буйгаа илэрхийлсэн. Жижиг дунд үйлдвэрийн газрын дарга Ю.Эрдэнэсайхан “ХАЛАЛ гэдэг нь зөвхөн маханд зориулагдаагүй, бизнесийн бусад олон салбарт хэрэглэгдэж байгаа гэдгийг Монгол дахь жижиг дунд үйлдвэрлэл эрхлэгчдэд энэ удагаагийн чуулга уулзалт ойлгуулах талаар ярьсан. Халал махыг дэлхийд экспортлох хэрэгцээ, шаардлагын талаар Хөдөө аж ахуйн их сургуулийн эдийн засгийн судалгааны хүрээлэгийн захирал, академич А.Бакей онцолж үг хэллээ. Монголын Халал Хөгжлийн Холбоо нь BPJPH (Индонезийн HALAL эрх бүхий байгууллага)-тай хамтран 8 дугаар сарын 26-ны өдөр ХАЛАЛ нядалгааны үйл ажиллагаа дах хянан баталгааны анхны ХАЛАЛ сургалтыг зохион байгуулсан ба үйл ажиллагааны үеэр сургалтад хамрагдсан 21 суралцагчийг ХАЛАЛ хянан шалгагчаар батламжилж, 8 суралцагчдад сургалтанд хамрагдсан гэрчилгээг гардуулав. Сургалтын үеэр суралцагчдад ХАЛАЛ нядалгааны үйл ажиллагаа нь нядалгааны хэсэг дэх малын эрүүл ахуйн байдал, цэвэрлэгээ, савлагааны бэлтгэлээс эхэлдэг гэдгийг зааж сургасан байна. Mонголын Халал Хөгжлийн Холбоо, BPJPH нар нь Монгол улсад хүлээн зөвшөөрөгдсөн бусад бүх ХАЛАЛ баталгаажуулалтын байгууллагуудад дэмжлэг үзүүлэх, зөвлөгөө өгөх, Халал баталгаажуулалтын тогтолцоог бий болгох, хууль ёсны HALAL баталгаажуулалтын байгууллагуудыг хүлээн зөвшөөрөх зорилготой юм. Монголын Халал Хөгжлийн Холбоо, МҮХАҮТ, Олон Улсын Санхүүгийн Корпораци, BPJPH, Берхад Халал Хөгжлийн Корпораци нар хамтран 2024 оны 4 дүгээр сард Монголын ХАЛАЛ Үзэсгэлэн худалдааг зохион байгуулж, хурдацтай өсөж буй дэлхийн халал эдийн засгийг хөгжүүлэх, идэвхтэй сурталчлахаар боллоо. Ташрамд сонирхуулахад Монголын Халал Хөгжлийн Холбоо нь ХАЛАЛ-ын талаарх ойлголтыг бий болгох, Монгол Улсад хүчирхэг бөгөөд уян хатан ХАЛАЛ экосистемийг сурталчлах, зорилготой байгуулагдсан юм. Иймээс энэхүү чуулга уулзалт нь Монголын Халал Хөгжлийн холбооноос Монгол Улсад зохион байгуулах олон арга хэмжээний анхных юм.